Sawengi datan bisa nendra
Sarira lungkrah tanpa daya
Kagodha angen-angen nyata
ewayang gumawang aneng netra
Kelingan pait madu esemnya
Renyah gujenge gawe getering nala
Sareh sabar sikepnya
Njalari ati iki tan kuwawa endha
Nadyan kahanane wus yuswa
Nanging isih katon jatmika
Watak berbudi bawaleksana
Tansah sih mring sapadha-padha
Yekti pribadhi kang utama
Hmm...baya sapa ta priyangga kang dakcandra?
Yeku sang prabu Darmakusuma
Ratu gung binathara
Ing praja " Ujaring Kandha "
Ing endi kuwi papannya?
Embuh, aku dhewe tan uninga.
Lha.....?
Minggu enjing, 23102011
Biyung emban AW
0 comments:
Post a Comment